Euro 2020: Ujerumani yasajili ushindi wa kwanza

Euro 2020: Ujerumani yasajili ushindi wa kwanza

Timu ya taifa ya Ujerumani hapo jana ilipata ushindi wake wa kwanza katika michuano ya kombe la Ulaya la mataifa inayoendelea - Euro 2020, kwa kuikandika Ureno magoli 4 kwa 2. Mabingwa wa dunia - Ufaransa walilazimishwa sare ya goli 1-1 na Hungary, na matokeo hayo katika kundi F yanaacha mlango wazi kwa Ufaransa, Ureno na Ujerumani kufuzu kuingia katika raundi ya timu 16 bora. Mechi nyingine iliyochezwa jana kati ya Uhispania na Poland pia ilimalizika kwa sare ya 1-1, timu hizo pia zikiendelea kuwa na uwezekano wa kufuzu kwa raundi nyingine kutoka kundi E.