Mabingwa wa ligi ya mabingwa Ulaya, Chelsea wameanza mazungumzo na Sevilla kwa ajili ya kumnasa mlinzi wa kifaransa, Jules Kounde, 22 ambaye mkataba wake una kipengele cha ada ya £68.4m kwa atakayetaka kumsajili. (Guardian)
The Blues wanaweza kumtumia mfaransa mwenzake Kurt Zouma, 26, kama sehemu ya kukamilisha mpango huo wa kumsajili Kounde. (Goal)
Nyota wa Borussia Dortmund Erling Braut Haaland ana imani kwamba taarifa zinazomuhusisha mshambuliaji huyo wa Norway mwenye umri wa miaka 21, kuelekea Chelsea kwa ada ya £150m ni tetesi tu. (Sky Sp
Chelsea watasikiliza maombi yoyote ya zaidi ya £40m kwa anayetaka kumsajili mshambuliaji wake wa kiingereza Tammy Abraham, 23. (Sky Sports)
Nahodha wa Aston Villa Jack Grealish, 25, ataaamua hatma yake wiki ijayo. Mchezaji huyo wa kimataifa wa England kwa sasa yuko mapumziko baada ya kushiriki katika michuano ya Euro 2020. (Mirror)
Manchester City wanajiandaa kupeleka ofa ya kuanzia £75m kwa ajili ya kiungo Grealish, ambaye kwa mujibu wa klabu yake ya Aston Villa thamani yake ni zaidi ya £100m. (Mail)
Liverpool inaangalia namna ya kumsajili winga wa Wolves na Uhispania Adama Traore, 25, kwa ada kiduchu ya £30m. (Star)
Arsenal imeomba taarifa za mshambuliaji wa mabingwa wa ligi kuu Italia, Serie A Inter Milan, Lautaro Martinez, 23. (Telegraph)
Kiungo wa Manchester United Paul Pogba, 28, hana haraka ya kuamua hatma yake, kama atasalia Old Trafford au atatimka kwingineko. Nyota huyo aliyetwaa kombe la dunia na Ufaransa amebakiza miaka miezi 12 katika mkataba wake na Manchester. (90min)
Matumaini ya Ole Gunnar Solskjaer ya kuongeza wachezaji wengine wapya kwenye kikosi chake cha Manchester United unategemea majaliwa ya Pogba na winga wa England Jesse Lingard, 28. (Telegraph)
Mlinzi wa Ivory Coast Eric Bailly, 27, atataka kujua kuhusu hatma yake Manchester United baada ya klabu yake hiyo kufikia makubaliano na Real Madrid kuhusu kumsajili mlizi wa kati Raphael Varane. (ESPN)
West Ham wanasubiri kuona kama mlinzi wa kiingereza wa Manchester United Phil Jones, 29, atakubali kujiunga nao kwa uhamisho wa bure ama huru kwa mkataba utakaohusisha malipo ya motisha. (Eurosport)
Tottenham wanaendelea na mazungumzo ya kumsajili mlinzi wa kati wa Argentina Cristian Romero, 23, lakini hawako tayari kutoa kitita cha £47m wanachokitaka Atalanta. (Guardian)
Manchester City wamekubali mpango wa kumpekea kwa mkopo kwenye timu ya Estoril Praia ya Ureno mshambuliaji wa kijapan Ryotaro Meshino, 23, (Manchester Evening News)
Klabu ya Trabzonspor inayoshiriki ligi kuu ya Uturuki inataka kumsajili mshambuliaji wa kimataifa wa Ubelgiji Michy Batshuayi, 27, kutoka Chelsea kwa mkataba mrefu wa mkopo wa msimu mzima. (Milliyet - in Turkish)
Uhamisho wa £35m wa mwaka jana uliomuhusu mshambuliaji wa kireno Fabio Silva kutoka Porto kwenda Wolves unachunguzwa na Mamlaka za Ureno. (Correio da Manha - in Portuguese)
Newcastle wameongeza matumaini yao ya kumnasa kiungo wa kiingereza Joe Willock, 21, kwa mkataba mwingine wa mkopo kutoka Arsenal. (Mail)
Wakati huo huo klabu ya Monaco ya Ufaransa imekuwa na mazungumzo na wawakilishi wa Willock kuhusu uhamisho, ambao utamfanya acheze ligi ya mabingwa Ulaya. (Foot Mercato via Inside Futbol)
Hearts wanamtaka kiungo mzaliwa wa Congo kutoka Everton Beni Baningime, 22. (Liverpool Echo)
Juventus wameonyesha nia ya kumuuza Aaron Ramsey, 30 msimu huu, kiungo huyo wa Wales, anaonekana kama mzigo kwa Klabu kwa sababu ya mshahara wake mkubwa. (Gazzetta dello Sport, via Mail)
Manchester United watamsajili beki wa Real Madrid na Ufaransa Raphael Varane kwa mkataba wa miaka minne na uwezekano wa kuongeza mwaka mwingine mmoja, lakini haifahamiki hasa ni lini beki huyo mwenye umri wa miaka 28 atafanyiwa vipimo vya afya kwa sababu ya masharti ya Corona ya kukaa ndani. (Athletic - subscription required)
Newcastle wanapambana kukamilisha usajili wa beki wa zamani wa timu ya taifa ya vijana ya England chini ya miaka 21, Axel Tuanzebe, 23, kutoka Manchester United. (Telegraph)
Ben White, 23 anatarajiwa kufanyiwa vipimo vya afya Jumatano Arsenal huku uhamisho wa mlinzi huyo wa England wa £50m ulisharidhiwa na Brighton tangu wiki iliyopita. (Sky Sports)